Liebe Fasnetsnarra aus nah und fern,
alle würded mir jetzt feira so gern,
die schöne fünfte Jahreszeit,
doch koi Veranstaltung isch weit und breit.
D‘ Musikkapell als traditioneller Verei,
liebt Fasnet scho emmer – so solls au sei,
Maska prämiera war oifach äll Johr schea,
jeda Oinzelna hot überrascht mit tolle Ideea!
Mir Weschderhoimer saged zur Fasnet au des Johr ed noi,
ond schreiat gemeinsam mit dr IGF „Stelza hoi“.
Des Feeling isch im Flegga, uns bremst koiner aus,
verkleidat eich drhoim und sperrat des Virus naus.
So mach mers au am Sonntag, wenn eigentlich 63. Maskenprämierung wär,
deshalb nemmat mir dr Laptop oder s’Handy her.
Guggat nei auf dui Homepage der MkW,
en Bilderrückblick von Beginn an, oh wie schee.
Lacha isch wichtig, die beschde Medizin,
mir freiat ons wenn wir eich mol wieder sehn.
Also bleibat gsond, lachet ond hend viel Spaß,
beim Bilder agugga, drhoim vor dem Bildschirmglas.
Homepage: www.mk-westerheim.de